ZPS e gatshme që gjykimi ndaj Thaçit, Veselit, Krasniqit dhe Selimit të nis në verë 2021

12:57 | 18 Nëntor 2020
L G

Prokurorja e Zyrës së Prokurorit të Specializuar në Hagë në konferenca statusore ndaj ish-presidentit të Kosovës, Hashim Thaçit, ish-kreut të Partisë Demokratike të Kosovës (PDK), Kadri Veselit, ish-kryetarit të Kuvendit të Kosovës, Jakup Krasniqit si dhe ish-shefit të Grupit Parlamentar të Lëvizjes, Vetëvendosje, Rexhep Selimit tha se procesi i hetimeve është në vazhdim e sipër.

Ajo ka thënë se mbrojtjes brenda tre javëve do t’u dorëzohet një vëllim i mjaftueshëm i materialeve.

“Synojmë të ndjekim urdhërim e juaj për masa mbrojtëse. Mbrojtja ka informacion të bollshëm për të filluar hetimet menjëherë, ua kemi bërë të ditur afatin për nxjerrjen e materialeve. Mbrojtja është e njoftuar me çështjen dhe kjo nuk është befasi për ta”, u shpreh Prokurorja e ZPS-së.

Prokurorja pohoi se për mendimin e ZPS-së, nuk ka asnjë pengesë që gjykimi të filloj në verën e vitit 2021.

Ajo shtoi se në aktakuzë duhet të bëhen edhe disa redaktime./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm